கொரோனா நோயாளர்கள்..
இலங்கையில் மேலும் மூன்று கொரோனா நோயாளர்கள் இன்று இனங்காணப்பட்டுள்ளதாக சுகாதார பிரிவு தெரிவித்துள்ளது. இதுவரை கொரோனா தொற்று நோயாளர்களின் எண்ணிக்கை 162 ஆக உயர்வடைந்துள்ளது.
இவர்களில் 25 பேர் பூரண குணமடைந்து வீடு சென்றுள்ளனர். 5 பேர் உயிரிழந்துள்ளனர். தற்போது 132 பேர் தொடர்ந்தும் சிகிச்சை பெற்று வருவதாக சுகாதார சேவைகள் பணிப்பாளர் நாயகம் அனில் ஜாசிங்க தெரிவித்துள்ளார்.
இதேவேளை யாழ்ப்பாணத்தில் நேற்று 3 கொரோனா நோயாளர்கள் இனங்காணப்பட்ட நிலையில், இன்று மேலும் 7 பேர் சந்தேகத்தின் பேரில் வைத்தியசாலையில் அனுமதிக்கப்பட்டுள்ளதாக யாழ். போதனா வைத்தியசாலையின் பணிப்பாளர் த.சத்தியமூர்த்தி தெரிவித்துள்ளார்.
