போக்குவரத்து தடை..
வவுனியா வைரவப்புளியங்குளம் வைரவர் கோவில் வீதியில் காணப்பட்ட பழமை வாய்ந்த மரமொன்று இன்று (08.04.2020) மாலை 4 மணியளவில் முறிந்து வீழ்ந்தமையினால் குறித்த வீதியூடான போக்குவரத்து தடைப்பட்டது.
வைரவப்புளியங்குளம் வைரவர் கோவில் வீதியில் யங்ஸ்டார் மைதானத்திற்கு அருகே காணப்பட்ட பழமை வாய்ந்த மரமொன்று முறிந்து வீழ்ந்தமையினால் குறித்த வீதியூடான போக்குவரத்து பாதிப்படைந்ததுடன் மின்சாரம் மற்றும் இலங்கை தொலைத் தொடர்பு தொலைபேசி இணைப்பு வயர்களும் அறுந்தன.
அயலவர்கள் உடனடியாக வவுனியா நகரசபை, மின்சார சபை, இலங்கை தொலைத் தொடர்பு நிலையத்தினர் போன்றவர்களுக்கு தெரியப்படுத்தியமையினையடுத்து உடனடியாக குறித்த இடத்திற்கு வருகை தந்து மின்சாரசபையினர் உடனடியாக மின்சாரத்தினை சீர் செய்ததுடன் இலங்கை தொலைத் தொடர்பு நிலையத்தினர் தொலைபேசி இணைப்பிணையும் சீர் செய்தனர்.
அதன் பின்னர் வவுனியா நகரசபையினர் உடனடியாக மரத்தினை அகற்றி வீதியூடான போக்குவரத்தினை சீர் செய்தனர்.
