பாடசாலைகள் திறக்கப்படும் தினம் குறித்து இணையத்தளங்களில் தவறான செய்தி!!

பாடசாலைகள் திறக்கப்படும் தினம்..

எதிர்வரும் ஜுன் மாதம் முதலாம் திகதி முதல் பாடசாலைகள் மீள திறக்கப்படும் என வெளியான செய்திகளில் எந்தவித உண்மையும் இல்லை என கல்வி அமைச்சு தெரிவித்துள்ளது.

எதிர்வரும் ஜுன் முதலாம் திகதி அனைத்து பாடசாலைகளும் திறக்கப்படும் என அச்சு ஊடகங்கள் மற்றும் இணையத்தளங்களில் செய்திகள் வெளியாகியதாகவும், அந்த செய்திகளில் எவ்வித உண்மையும் இல்லை எனவும் அமைச்சு மேலும் தெரிவித்துள்ளது.

மீண்டும் பாடசாலைகள் திறக்கப்படும் திகதி தொடர்பில் சுகாதார அமைச்சின் ஆலோசனைக்கு அமையவும், அரசாங்கத்தினால் மேற்கொள்ளப்படும் கொள்கை நடைமுறைகளுக்கு அமையவும் அறிவிக்கப்படும் என கல்வி அமைச்சு வெளியிட்டுள்ள அறிக்கையில் தெரிவிக்கப்பட்டுள்ளது.