திருகோணமலை – மொரவெவ
திருகோணமலை – மொரவெவ பொலிஸ் பிரிவிற்கு உட்பட்ட 10ஆம் கட்டை பகுதியில் மின்சாரம் தாக்கி சிறுவனொருவர் உயிரிழந்துள்ளார். குறித்த சம்பவம் இன்று காலையில் இடம்பெற்றுள்ளதாக பொலிஸார் தெரிவித்துள்ளனர்.
காட்டு யானைகளின் தொல்லையினால் அப்பகுதியை சுற்றி யானை மின்வேலி பொருத்தப்பட்டிருந்த நிலையில் கடைக்கு சென்ற சிறுவன் மின் வேலியில் மோதியதினாலேயே இவ்வனர்த்தம் இடம்பெற்றுள்ளது.
உயிரிழந்த சிறுவன் திருகோணமலை, வில்கம் விகாரை பாடசாலையில் 3ஆம் தரத்தில் கல்வி பயிலும் 10ஆம் கட்டை பகுதியை சேர்ந்த கவிஷ்க தெனித் சஞ்ஜீவ எனவும் தெரியவருகின்றது.
குறித்த சிறுவன் யானை மின்வேலியில் மோதியதையடுத்து 1990 அவசர அம்பியூலன்ஸ் வண்டி மூலம் மஹதிவுல்வெவ பிரதேச வைத்தியசாலைக்கு கொண்டு செல்லும்போது உயிரிழந்துள்ளதாகவும் தெரிய வருகின்றது.
உயிரிழந்த சிறுவனின் சடலம் தற்பொழுது மஹதிவுல்வெவ பிரதேச வைத்தியசாலை பிரேத அறையில் வைக்கப்பட்டுள்ளதுடன் மேலதிக விசாரணைகளை மொரவெவ பொலிஸார் மேற்கொண்டு வருகின்றனர்.
