வவுனியா கோவில்குளம் இந்துக் கல்லூரியின் வருடாந்த இல்ல மெய்வல்லுனர் விளையாட்டுப் போட்டி நேற்று (10.02) பாடசாலை அதிபர் திருமதி.ஜி.நடராஜா தலைமையில் நடைபெற்றது.
இவ் விழாவில் பிரதம விருந்தினராக வடமாகாண சபை உறுப்பினர் திரு.G.T.லிங்கநாதன் அவர்களும் சிறப்பு விருந்தினர்களாக திரு.எம்.கிருபாகரன்( முகாமையாளர் வசந்தம் FM) அவர்களும் திரு. A.M.சுபைர் (வவுனியா தெற்கு வலய உடற்கல்வி ஆலோசகர்) அவர்களும், திரு.J.பரதமாரன் (வவுனியா தெற்கு வலய உடற்கல்வி ஆலோசகர் ) அவர்களும் கலந்து சிறப்பித்தனர்.
இவ் விளையாட்டுப் போட்டியில் பாண்டியன் இல்லம் முதலிடத்தையும், சோழன் இல்லம் இரண்டாம் இடத்தையும், சேரன் இல்லம் மூன்றாம் இடத்தையும் பெற்றுக்கொண்டன. இவ் விளையாட்டுப் போட்டிக்கு வசந்தம் FM அனுசரணை வழங்கியமை குறிப்பிடத்தக்கது.
