கொரோனா தடுப்பூசி…
கொரோனா தொற்றுக்காக ஏற்கனவே தடுப்பூசியை கண்டுபிடித்துள்ளதாக அறிவித்த ரஷ்யா, தற்போது இரண்டாவதாகவும் ஒரு தடுப்பூசியை கண்டுபிடித்துள்ளதாக அறிவித்துள்ளது. இந்தியா உள்ளிட்ட பல நாடுகளில் கொரோனாவுக்கு எதிரான தடுப்பூசிகள் உருவாக்கப்பட்டு பல்வேறு கட்ட பரிசோதனைகளில் உள்ளன.
இந்தநிலையில் கடந்த ஜூன் மாதம் கொரோனா தடுப்பு மருந்தைக் கண்டுபிடிக்கும் முயற்சியில் இறங்கிய ரஷ்யா, உலகின் முதல் கொரோனா தடுப்பூசியை பதிவு செய்துள்ளதாக இந்த மாத ஆரம்பத்தில் அறிவித்தது.
இந்த நிலையில், இரண்டாவதாக ஒரு தடுப்பூசிக்கு செப்டம்பர் இறுதியில் அல்லது அக்டோபர் முதல் வாரத்தில் ஒப்புதல் அளிக்க உள்ளதாக அந்த நாட்டின் துணை பிரதமர் டாடியானா கோலிகோவா தெரிவித்துள்ளார். இந்த தடுப்பூசி முதல் இரண்டு கட்ட சோதனையில் எந்தவித எதிர்மறை விளைவுகளையும் வெளிப்படவில்லை என்றும் அவர் தெரிவித்துள்ளார்.
