ரகசிய காதல்..
தமிழ், தெலுங்கு போன்ற முன்னணி மொழிகளில் நடித்து வரும் நடிகையான நிக்கி கல்ராணி காதலனுடன் ஜாலியாக சுற்றும் புகைப்படங்கள் வெளியாகியுள்ளது.
யாகாவாராயினும் நாகாக்க, மரகத நாணயம் ஆகிய படங்களில் ஜோடியாக நடித்த ஆதிக்கும் நடிகை நிக்கி கல்ராணிக்கும் காதல் மலர்ந்துள்ளதாக செய்திகள் வெளியானது.
இந்த காதலை இருவரும் ரகசியமாக வைத்திருந்த நிலையில் அவ்வப்போது புகைப்படங்கள் வெளியாகிவந்தன. இருப்பினும் இருவரும் இந்த செய்திக்கு எந்த வித மறுப்பும் தெரிவிக்காமல் இருந்து வந்தனர்.
இந்நிலையில் ஆதியும், நிக்கி கல்ராணியும் ஐதராபாத் விமான நிலையத்தில் பெட்டிகளை தள்ளிக்கொண்டு ஒன்றாக செல்லும் புகைப்படங்கள் சமூக வலைதளங்களில் வெளியாகியுள்ளன.
சமீபத்தில் கொரோனாவால் பாதிக்கப்பட்டு மீண்ட அவர்கள் இருவரும், ஒரு சிறிய விடுமுறைக்காக வெளியூர் செல்ல விமான நிலையம் வந்ததாக தகவல் வெளியாகியுள்ளது.
