வவுனியா சுத்தானந்த இந்து இளைஞர் சங்கத்தின் இணையத்தள அறிமுகம்!!

575


வவுனியாவில் ஏழு தசாப்பதங்களுக்கு மேலாக இயங்கிவரும்  வவுனியா  சுத்தானந்த இந்து இளைஞர் சங்கம் 2020 ஆம் ஆண்டில் தமக்கென இணையத்தளமொன்றை உருவாக்கி அதன் மூலம் தமது செயற்பாடுகள் மற்றும் சேவைகள் தொடர்பான ஆவணப்படுத்தல் முயற்சியில் ஈடுபட்டுள்ளனர்.

அதன் பயனாக 1952ம் ஆண்டில்  வவுனியாவில் ஆரம்பிக்கப்பட்ட ஒர் இந்துமதம் சார்ந்த அமைப்பான சுத்தானந்த இந்து இளைஞர் சங்கம்  தனது வரலாற்றில் புதிய அத்தியாயமாக சங்க நிர்வாக அமைப்பினரின் பெரும் முயற்சியின் பயனாக www.vavuniyaymha.org என்னும் இணையதளம் ஒன்றினை உருவாக்கி அதன் அறிமுக நிகழ்வினை கடந்த 20.09.2020 அன்று  நடாத்தியிருந்தது.


மேற்படி நிகழ்வு  சங்கத்தின் உபதலைவர் செல்லத்துரை சபாநாதன் தலைமையில் இடம்பெற்றதுடன் மங்கல விளக்கேற்றல்,தேவார பாராயணத்துடன்  ஆரம்பமான நிகழ்வில்  வரவேற்புரையினைத்  தொடந்து சுத்தானந்த முன்பள்ளி மாணவர்களின்  வரவேற்பு நடனம் இடம்பெற்றது.

தொடர்ந்து  முதன்மை அதிதியாக கலந்துகொண்ட கணபதி சித்தர் மு.க.கந்தசாமிக் குருக்கள் தமது ஆசியுரையை நிகழ்த்தி  இணையத்தளத்தை உத்தியோகபூர்வமாக ஆரம்பித்துவைத்தார். மேலும் சிறப்பு விருந்தினராக கலந்து கொண்ட சிவஸ்ரீ.மு.க.கந்தகணேஷ தாஸகுருக்கள் அவரகளால் விருந்தினருரை நிகழ்த்தப்பட்டது.



அபிவிருத்தி உத்தியோகத்தராக பணிபுரியும் தவராசா கஜேந்திரன்(வலயக் கல்வி அலுவலகம்- வவுனியா வடக்கு)அவர்களால்  வடிவமைக்கபட்ட சங்கத்தின்  இணையத் தளத்திற்கான அறிமுகவுரையை சு.ஜெயச்சந்திரன் (ஆசிரியர்வாண்மை விருத்தி நிலைய முகாமையாளர்-புளியங்குளம்) நிகழ்த்தியிருந்தார்.