விபத்தில்..
வவுனியா, பண்டாரிக்குளம் பகுதியில் பட்டா ரக வாகனமும் – முச்சக்கர வண்டியும் மோதி விபத்துக்குள்ளானதில் பெண் ஒருவர் படுகாயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளார்.
இன்று (08.10) மதியம் இடம்பெற்ற இவ் விபத்து குறித்து மேலும் தெரியவருவதாவது, வவுனியா, பண்டாரிக்குளம், அம்மன் கோவில் வீதியில் இருந்து பாடசாலை வீதிக்கு திரும்பிய பட்டா ரக வாகனமும், பாடசாலை வீதி ஊடாக வைரவபுளியங்குளம் நோக்கி வந்த முச்சக்கர வண்டியும் நேருக்கு நேர் மோதி விபத்துக்குள்ளானது.
குறித்த விபத்தில் முச்சக்கர வண்டியில் பயணித்த வவுனியா, உக்கிளாங்குளம் பகுதியைச் சேர்ந்த பெண் ஒருவர் படுகாயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளார். குறித்த விபத்து குறித்து வவுனியா போக்குவரத்து பொலிசார் விசாரணைகளை முன்னெடுத்துள்ளனர்.
