திருட்டு..
வவுனியாவில் கடையொன்றிற்கு முன்பாக நிறுத்தி வைக்கப்பட்ட முச்சக்கர வண்டியில் திருட்டுச் சம்பவம் ஒன்று இடம்பெற்றுள்ளது. வவுனியா – ஹொறவப்பொத்தானை வீதி பள்ளிவாசல் சந்திக்கு முன்பாக நிறுத்தி வைக்கப்பட்ட முச்சக்கரவண்டியின் உதிரிப் பாகங்களே நேற்று அடையாளம் தெரியாத நபர்களால் திருடப்பட்டுள்ளது.
ஹொறவப்பொத்தானை வீதி பள்ளிவாசல் சந்திக்கு முன்பாக உள்ள கடையாென்றின் முன் தனது முச்சக்கரவண்டியினை நிறுத்தி விட்டு பொருட்களை காெள்வனவு செய்ய முச்சக்கரவண்டி உரிமையாளர் சென்றுள்ளார்.
நிறுத்தி வைக்கப்பட்ட முச்சக்கர வண்டிக்கு அருகாமையில் இரு இளைஞர்கள் நின்றுள்ளனர். அதனை அவதானித்த வாகன உரிமையாளர் அவசர அவசரமாக கடைக்குள் நுழைந்து பொருட்களை கொள்வனவு செய்துவிட்டு வந்து பார்த்த போது சுமார் 20,000 பெறுமதியான முச்சக்கரவண்டியில் பொருத்தப்பட்ட பாடல் பெட்டி (Box Set) காணவில்லை.
அதனைத் தொடர்ந்து அவர் வவுனியா குற்றத்தடுப்பு பொலிஸாரிடம் முறைப்பாடு செய்ததனை தொடர்ந்து அவ்விடத்திற்கு விரைந்த பொலிஸார் அப்பகுதியில் இருந்த சி.சி.ரி.வி கமெரா மூலம் அவதானித்து திருடிய சந்தேகநபர்களை பிடிப்பதற்கான நடவடிக்கைகளை மேற்கொண்டு வருகின்றனர்.
