வவுனியா கதிரேசு வீதியில் விபத்து : ஒருவர் படுகாயம்!!

விபத்து..

வவுனியா கதிரேசு வீதியில் இடம்பெற்ற மோட்டார் சைக்கில் – பிக்கப் வாகன விபத்தில் ஒருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.

இன்று (14.10.2020) இரவு 7.00 மணியளவில் இடம்பெற்ற இவ் விபத்துச் சம்பவம் தொடர்பில் மேலும் தெரியவருகையில்,

கதிரேசு வீதியூடாக வைரவப்புளியங்குளம் நோக்கி சென்று கொண்டிருந்த மோட்டார் சைக்கில் மீது கதிரேசு வீதி 1ம் ஒழுங்கையூடாக வந்த பிக்கப் வாகனம் மோதி விபத்துக்குள்ளானது.

இவ் விபத்தில் மோட்டார் சைக்கிளை செலுத்தியவர் படுகாயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளார்.

சம்பவ இடத்திற்கு விரைந்த வவுனியா போக்குவரத்து பொலிஸார் விபத்து தொடர்பான மேலதிக விசாரணைகளை முன்னெடுத்தனர்.