மூன்று வர்த்தக நிலையங்கள் தற்காலிகமாக மூடப்பட்டது..
வவுனியாவில் உள்ள பிரபல ஹாட்வெயார் உள்ளிட்ட மூன்று வர்த்தக நிலையங்கள் நேற்று இரவு தற்காலிகமாக மூடப்பட்டது. வவுனியா வடக்கு பகுதியில் மாகா நிறுவனத்தில் இணைந்து வீதி திருத்தப் பணியில் ஈடுபட்ட மூவருக்கு கொரோனா தொற்று ஏற்பட்டிருந்தமை கண்டுபிடிக்கப்பட்டது.
இதனையடுத்து அவர்களுடன் தொடர்புகளைப் பேணியவர்கள் மற்றும் அவர்கள் வந்து சென்ற வர்த்தக நிலையங்களை தனிமைப்படுத்தும் நடவடிக்கையை சுகாதார துறையினர் முன்னெடுத்துள்ளனர்.
அதன்படி குறித்த கொரோனா தொற்றாளர்கள் வந்து சென்றதாக கருதப்படும் வேப்பங்குளம் பகுதியில் உள்ள பிரபல ஹாட்வெயார், பழைய பேரூந்து நிலையத்தில் உள்ள புத்தக விற்பனை நிலையம், ஹொரவத்பொத்தானை வீதியில் உள்ள ஹாட்வெயார் என மூன்று வர்த்தக நிலையங்கள் மறு அறிவித்தல் வரை தற்காலிகமாக மூடப்பட்டது.
