சீனாவில்…
சீனாவில் ஒரு சிறுவன் 123 விளையாட்டு காந்த மணிகளை விழுங்கியதை அடுத்து நான்கு மணி நேர அவசர அறுவை சிகிச்சை மூலம் வைத்தியர்கள் அதனை வெளியில் எடுத்துள்ளனர்.
தென்மேற்கு சீனாவில் உள்ள குய்ஷோவில் உள்ள ஒரு வைத்தியசாலையில் கடந்த ஞாயிற்றுக்கிழமை குறித்த சம்பவம் இடம்பெற்றுள்ளது தெரியவந்துள்ளது.
மேலும் குறித்த ஐந்து வயது சிறுவன் தனது 12 வயது சகோதரியுடன் தனியாக வீட்டில் இருந்த போது தொலைக்காட்சியைப் பார்த்தப்படி சுமார் 123 விளையாட்டு காந்த மணிகளை ஒன்றன் பின் ஒன்றாக விழுங்கியுள்ளான்.
எனினும் இது குறித்து அறியாத பெற்றோர் சிறுவன் ஒரு காந்த மணிகயை மட்டுமே சாப்பிட்டதாக கூறி வைத்தியசாலைக்கு கொண்டு சென்றுள்ளனர். அதன் போது வைத்தியர்கள் மேற்கொண்ட எக்ஸ்ரேயில் சிறுவனின் வயிற்றில் சிக்கிய காந்த மணிகள் வெளிப்பட்டுள்ளன.
இதனை பார்த்த வைத்தியர்கள் அதிர்ச்சியடைந்துள்ளனர். மேலும் இதனையடுத்து சுமார் நான்கு மணி நேர அவசர அறுவை சிகிச்சை மேற்கொண்டு 123 காந்த மணிகளையும் வைத்தியர்கள் அகற்றியுள்ளனர்.