சீனாவில்..
சீனாவில் முக அழகை வசீகரமாக மாற்ற நினைத்து தனது வாழ்க்கையை நடிகை ஒருவர் இழந்துள்ளார். சீனாவைச் சேர்ந்த பிரபல நடிகை காவ் லியூ. இவர் திரைப்படங்கள் மற்றும் தொலைக்காட்சி தொடர்களில் நடித்து வந்தார்.
ஏற்கனவே அழகாக இருந்த காவ் லியன் தனது முக அழகை மேலும் வசீகரமாக மாற்ற வேண்டும் என்பதற்காக மூக்கில் பிளாஸ்டிக் அறுவை சிகிச்சை மேற்கொள்ளத் திட்டமிட்டார்.
இதன் மூலம் தனது நடிப்பு வாழ்க்கை மேலும் உயரும் என்று நம்பி கடந்த ஆண்டு, அக்டோபர் மாத இறுதியில் தனது மூக்கின் நுனியில் உள்ள குருத்தெலும்பில் அறுவை சிகிச்சை மேற்கொண்டார்.
ஆனால், அந்த அறுவை சிகிச்சையை அவரது உடல் ஏற்றுக்கொள்ளாததால் தொற்று ஏற்பட்டது. இதையடுத்து மீண்டும் அறுவை சிகிச்சை செய்ய வேண்டிய கட்டாயத்துக்குத் தள்ளப்பட்டார்.
இதற்காக அவர் 61 நாட்கள் மருத்துவமனையில் தங்கி, மறு அறுவை சிகிச்சை செய்துகொண்டார். இதனால், சுமார் 45 லட்சம் ரூபாய் அளவுக்கு இழப்பு ஏற்பட்டது. ஆனாலும், அவரது முகம் பழைய நிலைக்குத் திரும்பவில்லை.
அறுவை சிகிச்சை செய்த இடம் கருப்பாக மாறிவிட்டது. இதனால், அவரது எதிர்காலமே இப்போது சூன்யமாக மாறிவிட்டது. இது குறித்து காவ் லியூ, நான்கு மணி நேர அறுவை சிகிச்சை என்னை மிகவும் அழகாக மாற்றும் என்று நம்பினேன்.
ஆனால், அது மோசமான கனவின் தொடக்கமாக இருக்கும் என்று நான் நினைக்கவில்லை. இது போன்று யாரும் முயற்சி செய்ய வேண்டாம் என்று எச்சரித்துள்ளார்.
