கண்ணா லட்டு தின்ன ஆசையா தந்த வெற்றிக்குப் பிறகு இனி ஹீரோவாகத்தான் நடிப்பார் என எதிர்பார்த்தால், சந்தானத்தை மறுபடியும் ஹீரோவின் நண்பனாகவே பார்க்க முடிகிறது.
அப்ப ஹீரோ ஆசை அவ்வளவு தானா? என்ற கேள்விக்கு தற்போது பதில் கிடைத்துள்ளது.
ஓகஸ்ட் மாதம் துவங்கவிருக்கும் மரியாதை ராமண்ணா ரீமேக்கில் சந்தானம் தான் கதை நாயகன். இது காமெடிக்கு மட்டுமல்ல நடிப்பதற்கும் ஸ்கோப் உள்ள படம்.
படத்துக்கு வல்லவனுக்கு புல்லும் ஆயுதம் என்று தலைப்பிட்டு, ஸ்கிரிப்ட் வேலைகளில் இயக்குனரை பிஸியாக்கிவிட்டுள்ளார்.
இயக்குனர் யார் தெரியுமா? ஸ்ரீநாத் நினைவிருக்கிறதா? சந்தோஷ் சுப்ரமணியம் படத்தில் ஜெயம் ரவிக்கு நண்பனாக சந்தானம், பிரேம்ஜியோடு ஒருவர் வருவாரே அவர் தான்.
மறைந்த இயக்குனர் ஜீவாவின் உதவி இயக்குனரான இவர், ஏற்கெனவே முத்திரை என்னும் படத்தை இயக்கியவர். லட்டு போலவே புல்லும் வெற்றியடையுமா? பார்ப்போம்.