வவுனியாவில் வீதியோர வியாபார நடவடிக்கைகளுக்கு தடை : பறிமுதல் செய்யப்பட்ட மரக்கறிகள்!!

1604


வீதியோர வியாபாரம்..



வவுனியா நகரப் பகுதியில் வீதியோர வியாபார நடவடிக்கைகளுக்கு வவுனியா நகரசபையினரினால் தடை விதிக்கப்பட்டுள்ளது.



கொவிட்-19 தாக்கத்தை கருத்திற்கொண்டு வவுனியா நகரசபையினரினால் இந்த நடவடிக்கை இன்று (22.02.2021) காலை முன்னெடுக்கப்பட்டது.




வவுனியா நகரப் பகுதியில் வீதியோர வியாபார நடவடிக்கையில் ஈடுபடுவதற்கு நகரசபையினரினால் தடை விதிக்கப்பட்ட நிலையில் நகரசபையின் தடையுத்தரவினை மீறி வீதியோர நடவடிக்கையி்ல் ஈடுபட்ட நபர்களுக்கு எதிராக நகரசபையினர் விசேட நடவடிக்கையினை முன்னெடுத்திருந்தனர்.


இதன் போது வீதியோரத்தில் வியாபார நடவடிக்கையில் ஈடுபட்டிருந்த நபர்களின் மரக்கறிகள், பொருட்களை நகரசபையினர் ஏற்றிச்சென்றதுடன் அவர்களுக்கு தண்டப்பணமும் விதித்தனர்.

நடைபாதை வியாபாரத்தில் ஈடுபட்டிருந்த சிலர் குறித்த நடவடிக்கையில் ஈடுபட்டிருந்த நகரசபை வாகனத்தின் மீது மரக்கறிகளை வீசி தமது எ.திர்ப்பினை வெளியிட்டிருந்தனர்.