விபத்து..
வவுனியா நகரின் மத்தியில் அமைந்துள்ள மணிக்கூட்டு கோபுர சந்தியில் டிப்பர் வாகனமும், சிறிய ரக மோட்டார் சைக்கிளும் மோதி விபத்துக்குள்ளானதில் ஒருவர் படுகாயமடைந்து வவுனியா வைத்தியசாலையில் அனுமதிக்கப்பட்டுள்ளார்.
இன்று (21.05) பிற்பகல் 4 மணியளவில் இடம்பெற்ற இச் சம்பவம் தொடர்பில் மேலும் தெரியவருவதாவது, வவுனியா புகையிரத நிலைய வீதியில் இருந்து சென்ற சிறிய ரக மோட்டார் சைக்கிள் ஒன்று மணிக்கூட்டு கோபுர சந்தியில் ஏ9 வீதியில் திரும்ப முற்பட்ட வேளை,
யாழ் வீதியில் இருந்து கண்டி வீதிக்குள் நுழைந்த டிப்பர் வாகனம் மோட்டார் சைக்கிளை மோதித் தள்ளி விபத்துக்குள்ளானது. இதில் மோட்டார் சைக்கிளில் பயணித்த 48 வயது மதிக்கதக்க நபர் படுகாயமடைந்து வவுனியா வைத்தியசாலையில் அனுமதிக்கப்பட்டுள்ளார்.
இது தொடர்பான மேலதிக விசாரணைகளை வவுனியா போக்குவரத்து பொலிசார் முன்னெடுத்துள்ளனர். இதேவேளை, குறித்த விபத்து இடம்பெற்ற போது வவுனியா நகரின் மத்தியில் உள்ள மணிக்கூட்டு கோபுர சந்தியில் போக்குவரத்து பொலிசார் கடமையில் இருந்தமையும் குறிப்பிடத்தக்கது.
