வவுனியாவில் இடம்பெற்ற விபத்தில் ஒருவர் காயம்!!

விபத்தில்..

வவுனியா பழைய பேரூந்து நிலையத்திற்கு முன்பாக இன்று (02.07.2021) மாலை 4.30 மணியளவில் முச்சக்கரவண்டியுடன் மோட்டார் சைக்கிள் மோதுண்டு விபத்துக்குள்ளானதில் ஒருவர் காயமடைந்துள்ளார்.

வவுனியா நகரிலிருந்து கண்டி வீதி நோக்கி ஒரே பாதையூடாக இரு வாகனங்களும் பயணித்துள்ளன. இதன் போது மோட்டார் சைக்கிள் முச்சக்கரவண்டியில் மோதுண்டு விபத்துக்குள்ளாகியுள்ளது.

இவ்விபத்தில் மோட்டார் சைக்கிள் சிறு சேதங்களுக்குள்ளாகியுள்ளதுடன் மோட்டார் சைக்கிளின் சாரதியும் காயமடைந்துள்ளார்.

சம்பவ இடத்திற்கு விரைந்த வவுனியா போக்குவரத்து பொலிஸார் விபத்து தொடர்பான மேலதிக விசாரணைகளை முன்னெடுத்துள்ளனர்.