வவுனியா மாவட்ட அனைத்து பல்கலைக்கழக மாணவர் அபிவிருத்திச் சங்கம் ஏற்பாடு செய்த பாடசாலைமட்ட சதுரங்க சம்பியன் T20 போட்டிகள் வவுனியா தமிழ் மத்திய மகாவித்தியாலயத்தில் இன்று காலை 8 மணிக்கு ஆரம்பமாகி நடைபெற்றது.
இந் நிகழ்வுகளுக்கு திரு.E.நந்தகோபன்( தலைவர்- வவுனியா மாவட்ட அனைத்து பல்கலைக்கழக மாணவர் அபிவிருத்திச் சங்கம்) தலைமை தாங்கினார். மேலும் பிரதம அதிதியாக திரு.R.K.ஆதவன் (யாழ். மாவட்ட சதுரங்க சங்கம்) கலந்துகொண்டார்.
இப் போட்டியில் வவுனியா தமிழ் மத்திய மகாவித்தியாலயம், இறம்பைக்குளம் மகளீர் கல்லூரி, சைவப்பிரகாச மகளீர் கல்லூரி, விபுலானந்த கல்லூரி, இலங்கை திருச்சபை தமிழ் கலவன் பாடசாலை ஆகிய 5 பாடசாலைகளைச் சேர்ந்த 49 மாணவர்கள் கலந்துகொண்டனர்.
-பாஸ்கரன் கதீசன்-
