வவுனியாவில் 60 வயதிற்கு மேற்பட்டவர்களுக்கு தடுப்பூசி வழங்க நடவடிக்கை!!

1641


தடுப்பூசி..


வவுனியாவில் 60 வயதிற்கு மேற்பட்டவர்களுக்கு கோவிட் தடுப்பூசி வழங்க சுகாதாரப் பிரிவினரால் நடவடிக்கை எடுக்கப்பட்டுள்ளது. அதன்படி நாளைய தினம் (07.07) வவுனியா நகர கிராம அலுவலர் பிரிவு, இறம்பைக்குளம் கிராம அலுவலர் பிரிவு ஆகியவற்றை உள்ளடக்கிய 60 வயதிற்கு மேற்பட்டவர்களுக்கு காமினி மகாவித்தியாலயத்தில் காலை 9 மணி தொடக்கம் மதியம் 1 மணி வரை தடுப்பூசி ஏற்றப்படவுள்ளது.



அத்துடன், தாண்டிக்குளம், சோயா லேன், குடியிருப்பு, ஏ9 வீதி உள்ளிட்ட வவுனியா நகரின் வடக்கு கிராம அலுவலர் பகுதி மற்றும் வைரவபுளியங்குளம் கிராம அலுவலர் பிரிவு என்பவற்றைச் சேர்ந்த 60 வயதிற்கு மேற்பட்டவர்களுக்கு காமினி மகாவித்தியாலயத்தில் மதியம் 1 மணி தொடக்கம் மாலை 4 மணிவரை தடுப்பூசி ஏற்றும் நடவடிக்கை இடம்பெறும்.


எனவே, இப்பகுதியைச் சேர்ந்த 60 வயதிற்கு மேற்பட்டவர்கள் தமது அடையாள அட்டையுடன் சென்று தடுப்பூசிகளைப் பெற்றுக் கொள்ள முடியும் என சுகாதாரப் பிரிவினர் தெரிவித்துள்ளனர்.