வவுனியாவில் 60 வயதிற்கு மேற்பட்ட 1000 பேருக்கு சினோபாம் கோவிட் தடுப்பூசிகள்!!

1931


தடுப்பூசிகள்..


வவுனியாவில் 60 வயதிற்கு மேற்பட்ட 1000 பேருக்கு முதல் கட்டமாக சினோபாம் கோவிட் தடுப்பூசிகள் ஏற்றப்பட்டன.



வவுனியா, காமினி மகாவித்தியாலத்தில் இன்று (07.07) காலை முதல் குறித்த தடுப்பூசிகள் ஏற்றும் நடவடிக்கை இராணுவத்தினராலும், சுகாதாரப் பிரிவினராலும் இணைந்து முன்னெடுக்கப்பட்டது.


அதன்படி வவுனியா நகர கிராம அலுவலர் பிரிவு, இறம்பைக்குளம் கிராம அலுவலர் பிரிவு, வவுனியா நகரின் வடக்கு கிராம அலுவலர் பகுதி, வைரவபுளியங்குளம் கிராம அலுவலர் பிரிவு என்பவற்றைச் சேர்ந்த 60 வயதிற்கு மேற்பட்டவர்களுக்கே இவ்வாறு சீனாவின் சினோபாம் தடுப்பூசிகள் ஏற்றப்பட்டன.


இதன்போது, அப்பகுதிகளைச் சேர்ந்த மக்கள் சுகாதார நடைமுறைகளைப் பின்பற்றி ஆர்வத்துடன் வருகை தந்து தடுப்பூசிகளைப் பெற்றுக் கொண்டமை குறிப்பிடத்தக்கது.