வவுனியாவில் கோதுமை மா விலையில் மாற்றம் செய்து மோசடி : நீதிமன்றில் வழக்குத் தாக்கல்!!

கோதுமை மா..

வவுனியா ஹொரவப்பொத்தானை வீதியில் கோவிற்குளம் பகுதிக்கு அண்மையில் அமைந்துள்ள கோதுமை மா விநியோக நிறுவனத்திற்கு வவுனியா மாவட்ட பாவனையாளர் அலுவல்கள் அதிகாரசபையினர் திடீர் சோதனை நடவடிக்கையினை முன்னெடுத்திருந்தனர்.

இதன் போது கோதுமை மா மூட்டையில் காலாவதி திகதி, உற்பத்தி திகதி, விலை என்பவற்றினை மாற்றம் செய்து அதன் மேல் புதிய விலையினை ஒட்டி விற்பனைக்கு விநியோகிப்பதற்கு தயார் நிலையில் வைத்திருந்த கோதுமை மா மூட்டைகளை வவுனியா மாவட்ட பாவனையாளர் அலுவல்கள் அதிகாரசபையினர் கைப்பற்றியிருந்தனர்.

குறித்த விநியோக நிலையத்திற்கு எதிராக வழக்கு தாக்கல் மேற்கொள்ளப்பட்டுள்ளதுடன் கோதுமை மா மூடை சிலவற்றினையும் வவுனியா மாவட்ட பாவனையாளர் அலுவல்கள் அதிகாரசபையினர் எடுத்துச் சென்றனர்.