வவுனியா வைத்தியசாலைக்கு..
வவுனியா வைத்தியசாலைக்கு நோயாளர்களுக்கான கட்டில்கள் மற்றும் ஒட்சிசன் சிலிண்டர்கள் வழங்கி வைக்கப்பட்டுள்ளது.
வவுனியா வைத்தியசாலையில் கொரோனா தொற்றாளர்களின் எண்ணிக்கை அதிகரித்து வருவதனால் அவர்களுக்கான கட்டில்களுக்கான பற்றாக்குறை மற்றும் இடவசதிப் பிரச்சனை என்பன ஏற்பட்டு வருகின்றன.
இந்நிலையில், நோயாளர்களுக்கான வசதிகளுடன் கூடிய 3 கட்டில்கள் மற்றும் இரண்டு ஒட்சிசன் சிலின்டர் வவுனியா மாவட்டத்தில் இயங்கி வரும் லாவண்யா நகையக உரிமையாளரினால் வழங்கி வைக்கப்பட்டுள்ளது.
சுமார் ஏழு லட்சம் பெறுமதியான குறித்த பொருட்கள் வவுனியா வைத்தியசாலை பணிப்பாளர் வைத்தியகலாநிதி க.ராகுலன், வைத்தியர் மதுரகன் ஆகியோரிடம் கையளிக்கப்பட்டது.
