20க்கு இருபது மகளிர் உலகக் கிண்ண தொடரின் இறுதிப் போட்டி இன்று இடம்பெறவுள்ளது. இந்தப் போட்டியில் அவுஸ்திரேலியா மற்றும் இங்கிலாந்து அணிகள் மோதவுள்ளன.
பங்களாதேஷில் இடம்பெற்று வரும் இந்தத் தொடரில் மேற்கிந்திய தீவுகள், அவுஸ்திரேலியா, இங்கிலாந்து மற்றும் தென்னாபிரிக்க மகளிர் அணிகள் அரையிறுதிக்குத் தெரிவாகின.
இதில் முதலாவது அரையிறுதியில் மேற்கிந்திய தீவுகளை எதிர்கொண்ட அவுஸ்திரேலிய மகளிர் அணி 8 ஓட்டங்களால் வெற்றி பெற்று இறுதிப் போட்டிக்குள் நுழைந்தது.
அத்துடன் இரண்டாவது அரையிறுதியில் தென்னாபிரிக்காவை எதிர்கொண்ட இங்கிலாந்து அணி 9 விக்கெட்டுக்களால் வெற்றி பெற்று இறுதிப் போட்டிக்குத் தெரிவாகியுள்ளது.
