வவுனியா வைரவப்புளியங்குளம் ஆதி விநாயகர் ஆலயத்தில் தைப்பூசத்தில் ஏடு தொடக்குதல்!!

1335


ஆதி விநாயகர் ஆலயத்தில்..



27 நட்சத்திர மண்டலங்களில் எட்டாவது நட்சத்திரம் பூசம் ஆகும். தை மாதத்திலே பூச நட்சத்திரம் வரும் புண்ணிய நாள் தைப்பூச விழாவாக இந்துக்களால் கொண்டாடப் படுகின்றது. தைப்பூசம் வரும் நாள் பெரும்பாலும் நிறைமதி நாளாக (பறுவம்) இருக்கும்.



தைப்பூசம் முருகப்பெருமானுடைய விஷேட தினமாகும். அன்றைய தினம் குழந்தைகளுக்கு தோடு குத்துதல், ஏடு தொடக்குதல் போன்றவற்றை சிறப்பாக செய்து வைப்பார்கள். மற்றும் அடியார்கள் காவடி எடுத்தல், கற்பூரச்சட்டி போன்ற நேர்த்திக்கடன்களை நிறைவேற்றுவார்கள்.




அந்த வகையில் வவுனியா வைரவப்புளியங்குளம் ஆதி விநாயகர் ஆலயத்தில் தைப்பூச தினமான (18.01.2022) காலை 8.00 மணிக்கு ஏடுதொடக்குதல் நிகழ்வு தமிழருவி சிவகுமார் தலைமையில் இடம்பெறும் என ஆலய நிர்வாகத்தினர் தெரிவித்துள்ளனர்.