திருட்டு..
வவுனியா ஓமந்தை பொலிஸ் பிரிவுக்குட்பட்ட வேப்பங்குளம் பகுதியில் வீடு உடைத்து திருட்டுச் சம்பவமொன்று இடம்பெற்றுள்ளது. வீட்டு உரிமையாளர்கள் மதியம் வெளியே சென்ற சமயத்தில் அதனை சாதகமாக பயன்படுத்தி வீட்டின் கதவுகளை உடைத்து அலுமாரியிலிருந்த பணம் மற்றும் நகை என்பவற்றினை திருடிச்சென்றுள்ளனர்.
மாலை நேரம் வீட்டு உரிமையாளர் வீடு திரும்பிய சமயத்தில் வீட்டின் கதவுகள் உடைக்கப்பட்ட நிலையில் 1000 ரூபா பணமும் வீட்டு வாயிலில் காணப்பட்டுள்ளது.
அதனையடுத்து வீட்டு உரிமையாளர் ஒமந்தை பொலிஸ் நிலையத்தில் வழங்கிய முறைப்பாட்டினையடுத்து பொலிஸார் மேலதிக விசாரணைகளை முன்னெடுத்து வருகின்றனர்.
