20 ஓவர் கிரிக்கெட் வரலாற்றில் டோனி சாதனை படைத்துள்ளார். ஐ.பி.எல். கிரிக்கெட்டில் ஆட்டத்தில் சென்னை சூப்பர் கிங்ஸ் அணி கொல்கத்தாவை வீழ்த்தி 5வது வெற்றியை பதிவு செய்தது.
சென்னை அணித்தலைவர் டோனிக்கு ஒட்டுமொத்த 20 ஓவர் கிரிக்கெட் வரலாற்றில் இது 100வது (169 ஆட்டத்தில்) வெற்றியாக அமைந்தது.
ஐ.பி.எல். கிரிக்கெட்டில் சென்னை சூப்பர் கிங்சுக்காக 63 வெற்றிகள், சம்பியன்ஸ் லீக்கில் சென்னை சூப்பர் கிங்சுக்காக 10 வெற்றிகள், சர்வதேச 20 ஓவர் கிரிக்கெட்டில் இந்திய அணிக்காக 27 வெற்றிகளை அவர் தேடித் தந்துள்ளார்.
இந்த மைல் கல்லை எட்டிய முதல் வீரர் இவர் தான். இந்த சாதனை பட்டியலில் டோனிக்கு அடுத்தபடியாக பாகிஸ்தான் முன்னாள் அணித்தலைவர் சோயிப் மாலிக் இருக்கிறார்.
