அமெரிக்காவில்..
இந்த உலகில் வாழும் அனைவருக்கும் வெளியே சொல்லமுடியாத ஏதாவது ஒரு நல்ல செயல் அல்லது கெட்ட பழக்கம் இருக்கும். அந்த வகையில் இந்த பெண்ணுக்கு இருந்த பழக்கம் சர்வதேச அளவில் பேசுபொருளாகியுள்ளது. அந்த வகையில், மெத்தையை கடித்து சாப்பிட்டு பெண் ஒருவர் வாழ்ந்து வருகிறார்.
My Strange Addiction என்ற நிகழ்ச்சிக்கு அமெரிக்காவை சேர்ந்த ஜெனிஃபர் என்ற பெண் பேட்டி ஒன்றை அளித்திருந்தார். அதில் சுமார் 20 ஆண்டுகளாக மெத்தையை சாப்பிடும் விநோத பழக்கத்திற்கு தான் அடிமையாகியிருந்ததாக அவர் தெரிவித்திருந்தார்.
தொடர்ந்த மேலும் பல தகவல்களை கூறிய அப்பெண், ஐந்து வயது இருந்தபோது, தற்செயலாக கார் சீட்டில் இருக்கும் ஸ்பாஞ்சுகளை சாப்பிட ஆரம்பித்துள்ளார். ஆனால், அதன் சுவை பிடித்துவிட பின்னர் அவர் அதற்கு அடிமையாவார் என்று எதிர்பார்க்கவில்லை.
தொடர்ந்து மெத்தைகளில் உள்ள ஸ்பாஞ்சுகளை உண்ணத் தொடங்கினார். ஒரு நாளைக்கு ஒரு சதுரடி மெத்தையை அவரால் சாப்பிட முடியும். தன் மெத்தையை சாப்பிட்டு முடித்த பின்னர் ஒரு முறை, தனது தாயின் மெத்தையை சாப்பிடத் தொடங்கியுள்ளார். மேலும் இவர் அந்த மெத்தையை எப்படி சாப்பிடுவார் என்றும் விவரித்திருந்தார்.
மெத்தையுடன் மயோனைஸோ அல்லது வெண்ணெயோ சேர்த்து சாப்பிட தனக்கு பிடிக்காது. நான் சாப்பிடும் ஸ்பாஞ்சில் கெட்ட வாடை அடித்தால் சாப்பிடுவதை நிறுத்திவிடுவேன், என்றும் ஜெனிஃபர் கூறுகிறார்.
மெத்தையை சாப்பிட்டதால் இதுவரை அவருக்கு உடல்நலக் குறைவு எதுவும் இதுவரை ஏற்பட்டதில்லை. ஆனால், இந்த நிலை தொடர்ந்தால், வெகு சீக்கிரத்தில் அவரது கல்லீரல் பாதிக்கப்படும் மற்றும் குடல் அடைப்பு ஏற்படும் என்று மருத்துவர்கள் எச்சரிக்கை விடுத்துள்ளனர்
