லண்டனில்..
சமூக வலைதளங்களில் நாள் தோறும் எக்கச்சக்கமான விஷயங்கள் வைரல் ஆகி வரும் சூழலில் காதல் தொடர்பான வீடியோக்களுக்கும், செய்திகளுக்கும் கூட மிக முக்கியமான இடமுண்டு.
இந்த உலகில் அனைத்து இடங்களிலும் காதல் நிரம்பி இருக்கிறது. உன்னதமான காதல் என்று உணர்வுக்கு வயதோ, மதமோ, மொழியோ, இனமோ எந்த ஒரு விஷயமும் தடையாக இருக்காது. இவற்றையெல்லாம் கடந்து இரு மனதுக்கும் இடையே உருவாகும் உன்னதமான உணர்வு தான் ‘காதல்’.
கடந்த மாதம், பிப்ரவரி 14 ஆம் தேதி காதலர் தினத்தை முன்னிட்டு எக்கச்சக்கமான மனம் நெகிழ வைத்த காதல் தொடர்பான சம்பவங்கள் பெரிய அளவில் இணையத்தில் வைரல் ஆகி இருந்தது.
காதலர் தினம் சீசன் இல்லை என்றால் கூட அவ்வப்போது தங்கள் அன்பை பரிமாறிக் கொள்வது தொடர்பான ஏராளமான விஷயங்களையும் எமோஷனலாக இருக்கும் பல்வேறு சம்பவங்களையும் நாம் சமூக வலைத்தளங்களில் அவ்வப்போது பார்க்க முடியும்.
தன் மனதுக்கு மிக நெருக்கமான ஒருவருக்காக எந்த அளவுக்கு அசத்தலான ஒரு இன்ப அதிர்ச்சி கொடுக்க முடியுமோ, அந்த அளவுக்கு அதனை மெல்ல மெல்ல யோசித்து மிக வித்தியாசமாக ஏதாவது ஒன்றை காதலில் இருப்பவர்கள் செய்து கொண்டே இருப்பார்கள்
அந்த வகையில் பல கிலோமீட்டர் தொலைவிற்கு அப்பால் இருக்கும் தனது காதலிக்காக, காதலன் ஒருவர் செய்த செயல் தான் தற்போது இணையத்தில் பேசு பொருளாக மாறி உள்ளது. அருகே இருக்கும் ஒரு நபருடன் காதலில் இருந்தாலே அந்த உணர்வு மிக உன்னதமாக இருக்கும்.
ஆனால் அதே வேளையில் தன்னிடமிருந்து மிக தொலைவில் காதலியோ, காதலனோ இருக்கும் போது அவரை அடிக்கடி சந்திக்க முடியாமலும் போனில் மூலமே குரலை கேட்டும், வீடியோ காலில் பார்த்தும் இருக்கும் சமயத்தில் மிக மிக வேதனை நிறைந்து அதே வேளையில், இருவருக்கும் இடையேயான காதலை இன்னும் அதிகரிக்க வைக்கும் வகையிலும் இருக்கும்.
இந்த நிலையில், அப்படி ஒரு வீடியோ தான் தற்போது இணையத்தில் அதிகம் வைரலாகி வருகிறது. இது தொடர்பாக வைரலாகி வரும் வீடியோவின் படி, ஜிபின் என்ற கேரளாவில் உள்ள இளைஞர் ஒருவர் லண்டனில் இருக்கும் தனது காதலிக்காக அசத்தலான சர்ப்ரைஸ் ஒன்றைக் கொடுத்துள்ளார்.
இதற்காக தனது காதலியுடன் இருக்கும் அவரது தோழி ஒருவரை தொடர்பு கொண்டு தான் தேவையான பணத்தை அனுப்பி விடுவதாகவும் தனது சார்பாக கிரீட்டிங் கார்டு மற்றும் பொக்கே உள்ளிட்ட விஷயங்களை வாங்கி அவருக்கு சர்ப்ரைஸ் ஆக கொடுக்கும்படியும் தெரிவித்துள்ளார்.
மேலும் ஜிபின் கூறியது போலவே, அந்த பெண்ணும் ஜிபின் காதலிக்கு கிரீட்டிங் கார்டு உள்ளிட்டவற்றை பரிசாக கொடுக்க இதனைக் கண்டு கண்கலங்கி போய் உள்ளார் அந்த காதலி.
காதலன் அருகே இல்லை என்ற போதிலும் இத்தனை மைல் தூரம் கடந்து அவர் சர்ப்ரைஸ் செய்ய வேண்டும் என நினைத்த விஷயத்தை செய்து அருகே இருப்பது போன்ற உணர்வை கொடுத்துள்ள விஷயம், தற்போது பலரையும் மனம் நெகிழ வைத்துள்ளது.
