புதுக்கோட்டையில்..
புதுக்கோட்டை ஜெ.ஜெ.காலனி பகுதியில் வசித்து வருபவர் பால்ராஜ். இவரது மனைவி நித்திய காமாட்சி இவர்களுக்கு 7 ஆண்டுகளுக்கு முன் திருமணம் நடைபெற்றது. இவர்களுக்கு அஸ்வந்த், நிவாஸ்ரீ , புவிஅட்சரா என 3 குழந்தைகள் முறையே 7, 5, 3 வயது தான்.
சமீபகாலமாக மனைவியின் நடத்தையில் பால்ராஜூக்கு சந்தேகம் ஏற்பட்டது. இதனால் அவர் மனைவியுடன் அடிக்கடி தகராறு செய்து வந்துள்ளார். ஊர்முன்னிலையில் சமாதான பேச்சுவார்த்தையும் நடந்துள்ளது. இருந்த போதிலும் மனைவி மீதான கோபம் தணியவே இல்லை.
கடந்த சில மாதங்களுக்கு முன்னர் நித்திய காமாட்சி வீட்டில் தூங்கிக் கொண்டிருந்தார். அப்போது அடுப்பில் இருந்த நெருப்பு கனல்களை அள்ளி அவரது முதுகில் பால்ராஜ் போட்டுவிட்டார்.
தீக்காயம் அடைந்த அவரை அவரது பெற்றோர் மருத்துவமனையில் சேர்த்து சிகிச்சை அளித்தனர்.இதன் பிறகு குழந்தைகளுக்காக என நித்திய காமாட்சியின் பெற்றோர் சமாதானம் செய்து வைத்தனர். இதே மோதல் நேற்று இரவும் நீடித்தது. கணவன் – மனைவிக்கு இடையே தகராறு, வாய்ச்சண்டை என இரவு முழுவதும் தொடர்ந்தது. இதன்பிறகு நித்திய காமாட்சி படுத்து தூங்கினார்.
தூங்கிக்கொண்டிருந்த நித்திய காமாட்சி தலையில் தலையணையை வைத்து குழவிக் கல்லால் அடித்து கொலை செய்தா. அதன் பிறகு பயத்தில் தனது கழுத்தை அறுத்து தற்கொலைக்கு முயன்றார். கணவன், மனைவி இருவரும் ரத்த வெள்ளத்தில் மயங்கி நிலையில் கிடந்தனர்.
அக்கம் பக்கத்தினர் இதுகுறித்து நித்திய காமாட்சியின் பெற்றோருக்கு தகவல் கொடுத்தனர். அவரது குடும்பத்தினர் 2 பேரையும் மீட்டு சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனைக்கு கொண்டு சென்றனர்.
நித்திய காமாட்சி ஏற்கனவே இறந்து விட்ட நிலையில் பால்ராஜூக்கு தீவிர சிகிச்சை அளிக்கப்பட்டு வருகிறது. நித்திய காமாட்சியின் தாயார் காவல் நிலையத்தில் புகார் கொடுத்தார். புகாரின் பேரில் போலீசார் வழக்குப் பதிவு செய்து விசாரணை நடத்தி வருகின்றனர்.
நடத்தையில் சந்தேகப்பட்டு மனைவியை கொலை செய்துவிட்டு கொத்தனார் தற்கொலைக்கு முயன்றுள்ளார். தாய் உயிரிழந்தது தெரியாத 3 குழந்தைகளும் நின்று கொண்டிருந்தது காண்பவர் கண்களில் நீரை வரவழைத்தது. இச்சம்பவம் அப்பகுதியில் பெரும் சோகத்தையும், அதிர்ச்சியையும் ஏற்படுத்தியது.
