இலங்கை அணியுடன் மோதவுள்ள பாகிஸ்தானுக்கு வெற்றி கிடைக்க சங்கக்கார, ஜெயவர்தனவை விரைவில் ஆட்டமிழக்கச் செய்வதே சிறந்த வழி என்று பாகிஸ்தான் அணித்தலைவர் மிஸ்பா உல் ஹக் கூறியுள்ளார்.
இலங்கை சுற்றுப்பயணம் மேற்கொண்டுள்ள பாகிஸ்தான் 2 டெஸ்ட், 3 ஒரு நாள் போட்டிகளில் விளையாடவுள்ளது. முதல் டெஸ்ட் போட்டி நாளை மறுதினம் 6ம் திகதி தொடங்குகிறது.
இது குறித்து பாகிஸ்தான் அணித்தலைவர் மிஸ்பா உல் ஹக் கூறுகையில், இலங்கை அணியுடன் நடக்க உள்ள 2 போட்டிகள் கொண்ட டெஸ்ட் தொடரில், அனுப வீரர்கள் ஜெயவர்தன மற்றும் சங்கக்காரவின் விக்கெட்டுகளை வீழ்த்துவதில் கூடுதல் கவனம் செலுத்த வேண்டும். இதனை எங்கள் அணி பந்துவீச்சாளர்களிடம் வலியுறுத்தி உள்ளேன் என்று கூறியுள்ளார்.
