மிகச் சிறிய உடல் எடையுடன் (150–200 கிராம்) இருக்கும் அமூர் பால்கன் பறவைகள் விஞ்ஞானிகளையும் பறவையியல் ஆர்வலர்களையும் ஆச்சரியப்படுத்தும் சாதனையை நிகழ்த்தியுள்ளன.
இந்தியாவில் செயற்கைக்கோள் கருவி பொருத்தப்பட்ட மூன்று பால்கன் பறவைகள், வெறும் 5 நாட்களில் 5,000 கி.மீ. தூரம் பறந்து ஆப்பிரிக்காவை அடைந்துள்ளன.
இவை இந்திய நிலப்பரப்பை கடந்தவுடன், அரேபியக் கடல் மற்றும் இந்தியப் பெருங்கடல் மீது இடைவிடாமல் பறந்துள்ளன.
மழைக்கால காற்றோட்டங்கள் மற்றும் வலுவான கடல் காற்று வழித்தடங்கள் அவற்றின் சக்தியைச் சேமித்து, இயற்கையான ‘கிளைடர்’ போல பறக்க உதவின.
பால்கன் பறவைகள் நீரில் தரையிறங்க முடியாததால், காற்றின் நேரத்தை சரியாகப் பயன்படுத்துவது அவற்றின் உயிர் காக்கும் யுக்தியாகும்.
சில பறவைகள் unihemispheric sleep எனப்படும் முறையில், மூளையின் ஒரு பகுதியை ஓய்வில் வைத்துக்கொண்டு மற்ற பகுதியைச் செயல்படுத்தி, பறக்கும் போதே தூங்கும் திறன் கொண்டிருக்கலாம் என விஞ்ஞானிகள் கருதுகின்றனர். ஆனால் இது இன்னும் ஆராய்ச்சியில் உறுதி செய்யப்படவில்லை.
இந்த பயணம், ஆசியாவின் இனப்பெருக்கப் பகுதிகளையும் ஆப்பிரிக்காவின் குளிர்கால தங்குமிடங்களையும் இணைக்கும் அற்புதமான சூழலியல் பாலமாக விளங்குகிறது.
உலகின் நீண்ட தூரப் பயணிகள் பட்டியலில், அமூர் பால்கன் பறவைகள் தங்கள் இடத்தை உறுதியாகப் பிடித்துள்ளன.
