உலக சந்தையில் தங்கத்தின் விலையில் வீழ்ச்சி பதிவாகியுள்ளதாக தகவல்கள் தெரிவிக்கின்றன. நேற்றைய தினத்துடன் (12.02.2026) ஒப்பிடுகையில் இன்றையதினம் தங்கத்தின் விலை வீழ்ச்சியை பதிவு செய்துள்ளதாக குறிப்பிடப்பட்டுள்ளது.
அதன்படி, உலக சந்தையில் ஒரு அவுண்ஸ் தங்கத்தின் விலை 4910 டொலராக பதிவாகியுள்ளது. நேற்றையதினம் ஒரு அவுண்ஸ் தங்கத்தின் விலை 5078 டொலர்கள் வரையில் விற்பனை செய்யப்பட்டது.
அதேநேரம், ஒரு அவுண்ஸ் வெள்ளியின் விலையும் இன்று சரிவை சந்தித்து 74.75 டொலராக பதிவாகியுள்ளது. இந்தநிலையில், கொழும்பு செட்டியார்தெரு தகவலின் படி, 22 கரட் தங்கப் பவுணொன்றின் விலை 360,700 ரூபாவாக பதிவாகியுள்ளது.
அத்துடன் 24 கரட் தங்கப் பவுணொன்றின் விலை 390000 ரூபாவாக பதிவு செய்யப்பட்டுள்ளமை குறிப்பிடத்தக்கது.
