வவுனியாவில் 5 பேருக்கு டெங்கு தொற்று ஏற்பட்டுள்ளதாக சுகாதாரப் பிரிவினர் தெரிவித்துள்ளனர். நாடு பூராகவும் டெங்கு நோய் தாக்கம் அதிகரித்து வரும் நிலையில் வவுனியாவில் டெங்கு நோயாளர்கள் அடையாளம் காணப்பட்டுள்ளனர்.
ஆயினும் ஏனைய மாவட்டங்களுடன் ஒப்பிடும் போது வவுனியா மாவட்டத்தில் டெங்கு தொற்று குறைவாகவே காணப்படுகின்றது. அந்த வகையில் வவுனியாவில் 5 டெங்கு நோயாளர்கள் அடையாளம் காணப்பட்டுள்ளதுடன், அவர்கள் சிகிச்சை பெற்று வருகின்றனர்.
டெங்கு நோயை கட்டுப்படுத்தும் முகமாக டெங்கு பெருக்கம் இடங்களை அழிக்குமாறும், சுற்று சூழலை சுகாதாரமாகவும், சுத்தமாகவும் வைத்திருக்குமாறும் சுகாதார பிரிவினர் பொது மக்களிடம் கோரியுள்ளனர்.
