ஆப்பிரிக்க பன்றி காய்ச்சல் வைரஸ் நாட்டில் வேகமாக பரவி வருவதாக எச்சரிக்கை விடுக்கப்பட்டுள்ளது. நாட்டில் உள்ள 48 பண்ணைகளை கால்நடை உற்பத்தி மற்றும் சுகாதாரத் திணைக்களம் ஆய்வு செய்ததில், அவற்றில் பன்றி காய்ச்சலால் பாதிக்கப்பட்ட விலங்குகள் கண்டறியப்பட்டுள்ளதாக பிரதம நோய்ப்பரவலியல் நிபுணர் பிரதீப் குமாரவடு தெரிவித்துள்ளார்.
நேற்று (29 ஆம் திகதி) கொழும்பில் நடைபெற்ற ஊடக சந்திப்பில் இந்த தகவல் வெளியிடப்பட்டுள்ளது. நாடு முழுவதும் வேகமாக பரவி வருவதாகவும், இந்த வைரஸ் சுற்றுச்சூழலில் நீண்ட காலம் நீடித்திருக்கும் என்றும் அவர் கூறியுள்ளார்.
ஆடைகள், காலணிகள், உபகரணங்கள், வாகன சக்கரங்கள் மற்றும் மனித செயல்பாடுகள் மூலம் இந்த வைரஸ் நாடு முழுவதும் வேகமாக பரவி வருவதாகவும் குறிப்பிட்டுள்ளார்.
நோயின் பரவல் மற்றும் தற்போதைய நிலை குறித்து சாத்தியமான அனைத்து நடவடிக்கைகளும் எடுக்கப்பட்டு வருவதாகவும், 2024 ஆம் ஆண்டில் ஆப்பிரிக்க பன்றிக்காய்ச்சல் பன்றி தொழிலுக்கு பெரும் சேதத்தை ஏற்படுத்தி பெருந்தொற்றாக மாறியதாக அவர் கூறியுள்ளார்.
பன்றிக்காய்ச்சல் குறித்து தேவையற்ற அச்சத்தை உருவாக்கத் தேவையில்லை என்றும், இது மனிதர்களுக்கு பரவக்கூடிய நோய் அல்ல என்றும் அவர் சுட்டிக்காட்டியுள்ளார்.
பன்றி இறைச்சியை உட்கொள்வது குறித்து பயப்பட தேவையில்லை என்றும், இந்த பன்றிக்காய்ச்சல் ஒரு பெருந்தொற்றாக மாறினால், அது பன்றி தொழிலுக்கும் பொருளாதாரத்திற்கும் பெரும் சேதத்தை ஏற்படுத்தும் என்றும், எனவே இது குறித்து விவசாயிகளுக்கும் பொதுமக்களுக்கும் தெரிவிக்க முடிவு செய்துள்ளதாகவும் குறிப்பிட்டுள்ளார்.
நாட்டில் உள்ள மூன்று முக்கியப் பன்றிப் பண்ணைகள் ஆய்வு செய்யப்பட்டன, அவற்றில் ஒன்றைத் தவிர மற்ற அனைத்திலும் பன்றி காய்ச்சல் வைரஸால் பாதிக்கப்பட்ட விலங்குகள் இருப்பது தெரியவந்துள்ளது.
