சனத் ஜெயசூரியவின் அணியை வீழ்த்தியது பிரையன் லாராவின் அணி!!

ஜெயசூரிய தலைமையிலான ஆசிய லெவன் அணியை 5 ஓட்டங்கள் வித்தியாசத்தில் வீழ்த்தியது லாரா தலைமையிலான உலக லெவன் அணி.

கட்டார், டோஹாவில் உள்ள வெஸ்ட் எண்ட் பார்க் கிரிக்கெட் அரங்கத்தில் முன்னாள் ஜம்பவான்களான லாரா, ஜெயசூரிய ஆகியோரின் அணிகள் கண்காட்சி T20 கிரிக்கெட் போட்டியில் விளையாடினர்.

இந்த போட்டியை காண 10000க்கும் அதிகமான ரசிகர்கள் அரங்கத்தில் கூடினர். இவர்கள் இரு அணிகளுக்கும் தங்களது ஆதரவை அளித்தனர். இதனால் அரங்கமே அதிர்ந்தது.

நாணய சுழற்சியில் வென்ற உலக லெவன் அணி முதலில் துடுப்பெடுத்தாடி 20 ஓவர் முடிவில் 6 விக்கெட்டுகள் இழந்து 161 ஓட்டங்கள் குவித்தது.

பின்னர் விளையாடிய ஆசிய லெவன் அணியால் இலக்கை எட்ட முடியவில்லை. இந்த அணி 20 ஓவருக்கு 8 விக்கெட்டுகள் இழந்து 156 ஓட்டங்கள் மட்டுமே எடுத்தது.

இதன் மூலம் உலக லெவன் அணி 5 ஓட்டங்கள் வித்தியாசத்தில் வெற்றி பெற்றது. 44 பந்துகளில் 47 ஓட்டங்கள் எடுத்த லாரா ஆட்டநாயகனாக தெரிவு செய்யப்பட்டார்.