பிரான்சில் கரை ஒதுங்கியுள்ள திமிலங்கலம் வெடிக்கும் நிலையில் இருப்பதால் அதிகாரிகள் செய்வதறியாமல் குழம்பிப் போயுள்ளனர்.
பிரான்சின் தெற்கு கடற்கரையில் நவம்பர் மாத தொடக்கத்தில் பாரிய திமிங்கலம் ஒன்று கரை ஒதுங்கியுள்ளது.
ஏற்கனவே அழுகிய நிலையில் இருந்த திமிங்கலம், மேலும் அழுகி வருவதால் அதனை உடனே அப்புறபடுத்த வேண்டும் என்றும் இல்லையெனில் வெடித்து விடும் அபாயம் இருப்பதாகவும் அதிகாரிகள் தெரிவித்துள்ளனர்.
வெப்பத்தின் தாக்கத்தால் அதன் உடலில் உட்புற வாயுக்கள் உருவாகும். இதனால் அதன் உடல் பெருத்துக் கொண்டே போகும். பின் திடீரென்று எப்போது வேணுமானாலும் வெடிப்பு நிகழலாம் என்று தெரிகிறது.
எனவே இந்த திமிங்கலத்தை அப்புறப்படுத்த நடைமுறையில் சாத்தியமான முறையிலும், ஆபத்து குறைவான அணுகுமுறையோடும் செயல்படுத்தும் முறைகளை அதிகாரிகள் ஆராய்ந்து வருகின்றனர்.
மேலும் அந்த திமிங்கலம் இருக்கும் இடத்தினை தடுத்துள்ளதோடு மக்கள் அருகே செல்லகூடாது என்பதற்காக அந்த பகுதியை மூடிவைத்துள்ளனர்.
