அடிலெய்ட் டெஸ்டின் முதல் நாளில் இந்திய அணித்தலைவர் விராத் கோலி அமைத்த களவியூகம் பற்றி ஷேன் வோன் நகைச்சுவையான கருத்தை தெரிவித்துள்ளார்.
அவுஸ்திரேலிய வீரர்களுக்கும், பந்துவீச்சாளர்களுக்கும் ஏற்றவாறு அணித்தலைவர் கோலி நன்றாகவே களவியூகம் அமைத்தார். பந்துவீச்சாளர்களுக்கு எந்த இடத்தில் பந்தை பிட்ச் செய்வது என்பதைக் கண்டுபிடிக்கவே நேரம் ஆகிவிட்டது.
அதே சமயம் இசாந்த் சர்மா மட்டுமே சரியான இடத்தில் பிட்ச் செய்து பந்தை வீசிக் கொண்டிருந்தார். முதல் நாளில் தேநீர் இடைவேளைக்குப் பிறகான ஆட்டத்தில் விராத் கோலி அமைத்த களவியூகம் பற்றி ஷேன் வோன் கூறுகையில்,
அடிலெய்ட் ஓவல் மைதானத்தில் முதல் நாள் ஆட்டம் எப்பவும் இப்படித்தான் ஆகும்.
30 டிகிரியில் வெயில். தார்ச்சாலை போல ஆடுகளம். இது தவிர விசித்திரமாக முதல் ஸ்லிப்பும் இல்லாமல் 2 ஆம் ஸ்லிப்பும் இல்லாமல் ஒன்றரை ஸ்லிப் அதை விட்டால் 3வது ஸ்லிப் என்பதையும் நாம் பார்க்க வேண்டியுள்ளது என்று நகைச்சுவையாக கூறியுள்ளார்.
