இந்திய அணித்தலைவர் டோனி டெஸ்ட் போட்டிகளில் 8 முறை ஓட்டங்கள் ஏதும் எடுக்காமல் ஆட்டமிழந்து சாதனை பட்டியலில் இணைந்துள்ளார்.
அவுஸ்திரேலிய சுற்றுப்பயணம் மேற்கொண்டுள்ள இந்திய அணி அடிலெய்ட் மற்றும் பிரிஸ்பேனில் நடைபெற்ற 2 டெஸ்ட் போட்டிகளிலும் தோல்வியைத் தழுவியது.
பிரிஸ்பேன் டெஸ்ட் போட்டியில் அணித்தலைவராக விளையாடிய டோனி, 2வது இன்னிங்ஸில் ஜோஷ் ஹேசில்வுட் வீசிய பந்தை எதிர்கொண்டு ஆட முயன்று ஓட்டங்கள் எதுவும் பெறாமல் ஆட்டமிழந்து வெளியேறினார்.
இதன் மூலம் 8 முறை ‘டக் அவுட்’ என்ற சாதனையை நிகழ்த்தி 3வது இடத்தில் இருக்கிறார் டோனி. இவருடன் இங்கிலாந்தின் அதெர்டன், தென் ஆபிரிக்காவின் குரோஞ்சியும் இந்த 8 முறை ‘டக் அவுட்’ சாதனையை பகிர்ந்து கொள்கின்றனர்.
முதல் இரண்டு இடங்களில் நியூசிலாந்து அணித்தலைவராக இருந்த ஸ்டீவன் பிளெமிங் (13 முறை), தென் ஆபிரிக்கா அணித்தலைவர் ஸ்மித் (10 முறை) ஆகியோர் இருக்கின்றனர்.
இங்கிலாந்தின் அலன் போடர், சப்பெல், ஜெயசூரிய, ஜெயவர்த்தன, பட்டோடி, பொண்டிங் உள்ளிட்டோர் 7 முறையும், கபில்தேவ், அர்ஜூன ரணதுங்க, சமி உள்ளிட்டோர் 6 முறையும் அணித்தலைவராக இருந்து டக்-அவுட் ஆகி சாதனை படைத்திருக்கின்றனர்.
