ஐ.எஸ்.ஐ.எஸ் தீவிரவாத அமைப்பை கொச்சைப்படுத்தி பேசியதாக சிறுவன் ஒருவனுக்கு 60 சவுக்கடிகளை தண்டனையாக வழங்கும் வீடியோ வெளியாகி அதிர்ச்சியை ஏற்படுத்தியுள்ளது.
ஐ.அஸ் அமைப்பிற்கு எதிராக செயல்படுபவர்கள் மற்றும் கருத்துக்களை பரப்புவர்களை அந்த அமைப்பினர் கடுமையாக தண்டித்து வருகின்றனர். இந்நிலையில் ஈராக்கின் அன்பர்(Anbar) நகரை சேர்ந்த சிறுவன் ஒருவன், ஐ.எஸ் அமைப்பை அரேபிய மொழியில் ‘Daesh’ என கொச்சைப்படுத்தி கூறியதாக புகார் எழுந்தது.
இதனையடுத்து அந்நகரின் மத்தியில் சிறுவனுக்கு 60 சவுக்கடிகள் கொடுத்து ஐ.எஸ் தீவிரவாதி ஒருவன் தண்டனையை நிறைவேற்றியுள்ளான்.
அப்போது வலியை தாங்கமுடியாத சிறுவன் கதறி அழுதுள்ளான். ஆனால், சிறுவனுக்கு உதவி செய்தால் தாங்களும் தண்டிக்கப்படுவோம் என அஞ்சிய கூட்டத்தினர் எவரும் உதவ முன்வரவில்லை.
மேலும் இந்த Daesh என்ற வார்த்தைக்கு அரேபிய மொழியில் ‘கால்களுக்கு கீழ் போட்டு நசுக்குபவன்’ மற்றும் ‘சமுதாயத்தில் முரண்பாடுகளை விதைப்பவன்’ என்பது பொருள் என கூறப்படுகிறது.
