உலகக் கிண்ண முதல் போட்டியில் இலங்கையை வீழ்த்தி நியூசிலாந்து அணி வெற்றி!!

உலகக் கிண்ண கிரிக்கெட் போட்டித்தொடரின் முதல் போட்டியில் நியூசிலாந்து அணி 98 ஓட்டங்களால் வெற்றி பெற்றுள்ளது.

இப்போட்டியில் ஏ பிரிவில் இடம்பெற்றுள்ள நியூசிலாந்து- இலங்கை அணிகள் இன்று பலப்பரீட்சை நடத்தின.

நாணய சுழற்சியில் வெற்றி பெற்ற இலங்கை அணி களத்தடுப்பைத் தேர்வு செய்தது, அதன்படி துடுப்பெடுத்தாடிய நியூசிலாந்து அணி 50 ஓவர்கள் நிறைவில் 6 விக்கெட்டுகளை இழந்து 331 ஓட்டங்களை பெற்றுக்கொண்டது.

அவ்வணி சார்பாக மக்கலம் 65 ஓட்டங்களையும், கப்தில் 49 ஓட்டங்களையும், கோரி அன்டர்சன் 75 ஓட்டங்களையும், கேன் வில்லியம்சன் 57 ஓட்டங்களையும் பெற்றனர்.

இதன்படி இலங்கைக்கு 332 என்ற கடினமான ஓட்ட இலக்கு நிர்ணயிக்கப்பட்டது. தொடர்ந்து துடுப்பெடுத்தாடிய இலங்கை அணி 46.1 ஓவர்கள் நிறைவில் சகல விக்கட்டுகளையும் இழந்து 231 ஓட்டங்களைப் பெற்று 98 ஓட்டங்களால் தோல்வியடைந்தது.

இலங்கை அணி சார்பாக திரிமான 65 ஓட்டங்களையும் மத்யுஸ் 46 ஓட்டங்களையும் சங்கக்கார 39 ஓட்டங்களையும் பெற்றுக் கொண்டனர்.