இலங்கை அணி அரையிறுதி வரை செல்லும் : அடித்துச் சொல்லும் மைக் ஹசி!!

உலகக்கிண்ணத் தொடரில் இந்திய அணி அரையிறுதிக்கு முன்னேறுவது கடினம் என்று அவுஸ்திரேலிய அணியின் முன்னாள் வீரர் மைக் ஹசி கூறியுள்ளார்.

இந்திய அணி உலகக்கிண்ணப் போட்டியில் தனது முதல் லீக் ஆட்டத்தில் பாகிஸ்தானை வீழ்த்தி வெற்றி பெற்றது. இதைத் தொடர்ந்து வருகின்ற 22ம் திகதி தென் ஆபிரிக்காவை எதிர்கொள்ளவுள்ளது.

இந்நிலையில் இந்திய அணியின் உலகக்கிண்ண வாய்ப்பு பற்றி அவுஸ்திரேலிய அணியின் முன்னாள் வீரர் மைக் ஹசி கூறுகையில், இந்திய அணியில் திறமையான வீரர்கள் பலர் இடம் பிடித்துள்ளனர். ஆனால் என்னை பொறுத்தமட்டில் இந்திய அணி அரையிறுதிக்கு முன்னேறுவது கடினம்.

அவுஸ்திரேலியா, நியூசிலாந்து, தென் ஆபிரிக்கா, இலங்கை ஆகிய 4 அணிகள் அரையிறுதிக்கு முன்னேறும் என்பதே எனது கணிப்பாகும். உலகக்கிண்ணத்தை வெல்ல அவுஸ்திரேலிய அணிக்கு பிரகாசமான வாய்ப்பு உள்ளது.

அதே சமயம் இப்போது அணிகளின் செயல்பாடுகளை வைத்து எந்த அணி வெற்றி பெறும் என்று கணிப்பது முடியாத காரியமாகும் என்று தெரிவித்துள்ளார்.