ஸ்கொட்லாந்து அணியை வீழ்த்தி ஆறுதல் வெற்றியைப் பெற்ற இங்கிலாந்து!!

1000

ENG

ஸ்கொட்லாந்து அணிக்கு எதிரான உலகக்கிண்ண லீக் ஆட்டத்தில் இங்கிலாந்து 119 ஓட்டங்கள் வித்தியாசத்தில் வெற்றி பெற்றது.

உலகக்கிண்ண தொடரின் 14வது போட்டியில் இங்கிலாந்து மற்றும் ஸ்கொட்லாந்து அணிகள் கிறிஸ்ட்சர்ச்சில் இன்று மோதின.

நாணய சுழற்சியில் வெற்றிபெற்ற ஸ்கொட்லாந்து அணி முதலில் களத்தடுப்பில் ஈடுபட தீர்மானித்தது.

இதன்படி முதலில் துடுப்பெடுத்தாட களமிறங்கிய இங்கிலாந்து அணி 50 ஓவர்கள் நிறைவில் 8 விக்கெட் இழப்புக்கு 303 ஓட்டங்களை குவித்தது.

இங்கிலாந்து அணி சார்பாக மொயீன் அலி 128 ஓட்டங்களையும், இயன் பெல் 54 ஓட்டங்களையும் பெற்றுக்கொடுத்தனர்.

ஸ்கொட்லாந்து அணி சார்பாக ஜோஷ் டெவி அதிகபட்சமாக 4 விக்கெட்டுகளை வீழ்த்தினார்.

பின்னர் 304 ஓட்டங்கள் என்ற கடினமான இலக்கை நோக்கி களமிறங்கிய ஸ்கொட்லாந்து அணி 42.2 ஓவர்களிலே சகல விக்கெட்டுகளையும் இழந்து 184 ஓட்டங்கள் மட்டுமே எடுத்தது.

இதனையடுத்து இங்கிலாந்து அணி 119 ஓட்டங்கள் வித்தியாசத்தில் வெற்றி பெற்றது.

ஸ்கொட்லாந்து அணி சார்பாக கோயிட்சர் அதிகபட்சமாக 71 ஓட்டங்களை எடுத்திருந்தார்.

பந்துவீச்சில் ஃபின் 3 விக்கெட்டுகளையும், அண்டர்சன், வோக்ஸ், மொயீன் அலி தலா 2 விக்கெட்டுகளையும், ஜோ ரூட் 1 விக்கெட்டையும் வீழ்த்தினர்.

ஸ்கொட்லாந்து அணியை துடுப்பாட்டத்திலும், பந்துவீச்சிலும் மிரட்டிய மொயீன் அலி ஆட்டநாயகனாக தெரிவு செய்யப்பட்டார்.