ஹிந்தி சிங்கத்தை வீழ்த்துமா தமிழ் சிங்கம்??

ஹிந்தி சிங்கத்துடன் மோதுவது என சூர்யாவும், ஹ‌ரியும் முடிவெடுத்திருக்கிறார்கள். ஹ‌ரி இயக்கத்தில் சூர்யா நடிப்பில் வெளிவந்த சிங்கம் “யமுடு” என்ற பெய‌ரில் தெலுங்கில் வெளியானதால் தெலுங்கில் அதனை ‌ரீமேக் செய்யவில்லை.

கன்னடத்தில் சுதீப் சிங்கத்தை ‌ரிமேக் செய்து அதில் நடித்தார். படம் பம்பர் ஹிட்.

ஹிந்தியில் ‌ரிலையன்ஸ் தயா‌ரிக்க ரோஹித் ஷெட்டி இயக்க அஜய் தேவ்கான் சிங்கம் ‌ரீமேக்கில் நடித்தார். படம் 100 கோடியை தாண்டி வசூலித்தது. தங்க முட்டையிடும் டைனோசர் இந்த சிங்கம் என்பதை அறிந்து கொண்டவர்கள் தமிழில் சிங்கம் 2 வெளிவரும் முன்பே ஹிந்தியில் சிங்கம் 2 வுக்கான கதையை எழுத ஆரம்பித்தனர்.

தமிழ் சிங்கம் 2 நன்றாக இருந்தால் அதனை ஹிந்தியில் மூன்றாவது பாகமாக எடுக்கலாம், ஆனால் ஹிந்தி சிங்கம் 2 தனது சொந்த கதையாக இருக்க வேண்டும் என்பதில் ரோஹித் ஷெட்டி உறுதியாக இருந்தார்.

இதன் காரணமாக சிங்கம் 2 வை ஹிந்தியில் டப் செய்து வெளியிடுவது என ஹ‌ரியும், சூர்யாவும் தீர்மானித்துள்ளனர்.
சென்னை எக்ஸ்பிரஸை முடித்து சிங்கம் 2 வேலைகளில் பிஸியாக இருக்கிறார் ரோஹித் ஷெட்டி.

உங்களோடதவிட எங்களுதுதான் உசத்தி என்பதை காண்பிக்கவே இந்த ஹிந்தி டப்பிங் முயற்சியாம். பார்க்கலாம் தமிழ் சிங்கமா இல்லை ஹிந்தி சிங்கமாஎது அதிக இரசிகர்களை கவரப் போகின்றது என்று..