உலகக் கிண்ணப் போட்டியில் 36வது லீக் ஆட்டம் தென்னாபிரிக்கா மற்றும் ஐக்கிய அரபு இராஜ்ஜிய அணிகளுக்கு இடையே நியூசிலாந்தில் உள்ள வெலிங்டன் நகரில் நடைபெற்றது.
இதில் நாணயசுழற்சியில் வெற்றிபெற்ற ஐக்கிய அரபு இராஜ்ஜியம் தென்னாபிரிக்காவை முதலில் துடுப்பெடுத்தாடுமாறு பணித்தது. இதன்படி களமிறங்கிய தென்னாபிரிக்கா 50 ஓவர்கள் நிறைவில் 6 விக்கெட்டுக்களை இழந்து 341 ஓட்டங்களை பெற்றது.
தென்னாபிரிக்கா அணி சார்பில் டி வில்லர்ஸ் 99 ஓட்டங்களையும் பார்ஹான் பெஹர்டீன் ஆட்டழிழக்காது 64 ஓட்டங்களையும் பெற்றனர்.
இதன்படி 342 என்ற கடினமான இலக்குடன் ஐக்கிய அரபு இராஜ்ஜியம் களம் இறங்கியது. வெற்றி இலக்கை நோக்கி துடுப்பெடுத்தாடிய ஐக்கிய அரபு இராஜ்ஜியம் சார்பாக பட்டில் ஆட்டழிழக்காது 57 ஓட்டங்களை பெற்றனர்.
நிறைவில் ஐக்கிய அரபு இராஜ்ஜியம் 47.3 ஓவர்கள் நிறைவில் சகல விக்கெட்டுக்களையும் இழந்து 195 ஓட்டங்களை மட்டுமே பெற்றது. இதனால் தென்னாபிரிக்க அணி 146 ஓட்டங்களால் வெற்றிபெற்றது.
