சிம்பாவே அணிக்கு எதிரான உலகக்கிண்ண லீக் ஆட்டத்தில் இந்தியா 6 விக்கெட் வித்தியாசத்தில் வெற்றி பெற்றது.
உலகக்கிண்ண போட்டித்தொடரின் 39வது லீக் போட்டியில் இன்று இந்தியா- சிம்பாவே அணிகள் ஒக்லாந்தில் விளையாடியது. நாணய சுழற்சியில் வெற்றி பெற்ற இந்திய அணி களத்தடுப்பில் ஈடுபடத் தீர்மானித்தது.
முதலில் துடுப்பெடுத்தாடிய சிம்பாவே அணி 48.5 ஓவர்களில் அனைத்து விக்கெட்டுகளையும் இழந்து 287 ஓட்டங்களை குவித்தது.
சிம்பாவே அணி சார்பாக பிரைண்டன் டைலர் 110 பந்துகளில் 138 ஓட்டங்களையும் வில்லியம்ஸ் 50 ஓட்டங்களையும் பெற்றுக் கொண்டனர்.
இந்திய அணி சார்பாக முகமட் சமி, உமேஷ் யாதவ், மொஹிட் ஷர்மா ஆகியோர் தலா 3 விக்கட்டுகளைக் கைப்பற்றினர்.
சற்று கடின இலக்கை நோக்கி களமிங்கிய இந்திய அணிக்கு ரோஹித் சர்மா (16), ஷிகர் தவான் (4) மோசமான தொடக்கம் கொடுத்தனர். அடுத்து வந்த ரஹானே (19), விராத் கோலி (38) ஆட்டமிழந்தனர். ஒரு கட்டத்தில் இந்திய அணி 92ஓட்டங்களுக்கு 4 விக்கட்டுகளை இழந்து தடுமாறியது
இன் நிலையில் 5ம் விக்கட்டுக்கு ஜோடி சேர்ந்த சுரேஷ் ரைனா மற்றும் டோனி பிரிக்கப்படாத 196 ஓட்டங்களைப் பெற்று வெற்றியை உறுதி செய்தனர்.
48.4 ஓவர்களில் இந்திய அணி 6 விக்கட்டுகளை இழந்து 288 ஓட்டங்களைப் பெற்று 6 விக்கட்டுகள் வித்தியாசத்தில் வெற்றிபெற்றது.
போட்டியின் சிறப்பாட்டக்காரராக சுரேஷ் ரைனா தெரிவுசெய்யப்பட்டார்.
இந்திய அணி விளையாடிய 6 போட்டிகளிலும் பெற்றிபெற்று ப குழுவில் முதலிடத்தில் உள்ளமை குறிப்பிடத்தக்கது.
