பவன்கல்யாண் தெலுங்கில் முன்னணி நடிகராக இருக்கிறார். ரசிகர் பட்டாளமும் அதிகம் உள்ளது. அரசியலிலும் ஈடுபட்டுள்ளார்.
இந்த நிலையில் ஐதராபாத்தில் சமீபத்தில் ஹன்சிகா அளித்த பேட்டி ஒன்றில் மக்களுக்கு சேவை செய்வதற்கு அரசியலுக்கு வரவேண்டும் என்ற அவசியம் இல்லை என்று கூறி இருந்தார்.
பவன்கல்யாணை மனதில் வைத்து தான் அவர் இப்படி சொன்னதாக தெலுங்கு பட உலகில் செய்தி பரவியது. இதையடுத்து பேஸ்புக், டுவிட்டர்களில் ஹன்சிகாவை கண்டித்து ரசிகர்கள் கருத்துக்களை பதிவு செய்தார்கள்.
அரசியலுக்கு வருவது அவரவர் சொந்த விருப்பம். இதுபற்றி விமர்சிக்க ஹன்சிகாவுக்கு தகுதி இல்லை என்றும் கண்டித்தனர். பவன்கல்யாணை தேவையில்லாமல் வம்புக்கு இழுக்கிறார் என்றும் குறிப்பிட்டனர். இதனால் ஹன்சிகா அதிர்ச்சியாகியுள்ளார்.
நான் எதேச்சையாகத்தான் அப்படி கூறினேன். பவன்கல்யாணை நினைத்தோ அல்லது அவர் பெயரை கூறியோ எந்த கருத்தும் சொல்லவில்லை என்று அவர் மறுப்பு தெரிவித்து உள்ளார்.
