இலங்கை போக்குவரத்து சபையின் வவுனியா மற்றும் மன்னார் சாலைக்கு 15 பஸ்கள் வைபவ ரீதியாக போக்குவரத்து அமைச்சர் ரஞ்சித் மத்தும் பண்டாரவினால் நேற்று சனிக்கிழமை மாலை 4.50 மணியளவில் வழங்கி வைக்கப்பட்டது.
இந்நிகழ்வில் போக்குவரத்துப் பிரதியமைச்சர் எம்.எஸ்.தௌபீக், வட மாகாண கடற்றொழில் மற்றும் போக்குவரத்து அமைச்சர் பா.டெனீஸ்வரன், கைத்தொழில் வர்த்தக அமைச்சர் றிசாட் பதீயூதின், நாடாளுமன்ற உறுப்பினர்களான செல்வம் அடைக்கலநாதன், ஹுனைஸ் பாறுக், முத்தலிபு பாபா பாறுக், வட மாகாண சபை உறுப்பினர் றிப்கான் பதீயூதின், வட பிராந்திய இ.போ.சா முகாமையாளர் உள்ளிட்ட பிரமுகர்கள் கலந்து கொண்டனர்.
இதன்போது மன்னார்,வவுனியா சாலைகளுக்கான பஸ் வண்டிகளின் சாவிகள் வைபவரீதியாக குறித்த டிப்போக்களிடம் வழங்கப்பட்டன. இதேவேளை இன்று யாழ்ப்பாணம், முல்லைத்தீவு மாவட்டங்களுக்கு 20 பஸ்கள் வழங்கப்படவுள்ளன என்பது குறிப்பிடத்தக்கது.
