கல்வி இராஜாங்க அமைச்சர் இராதாகிருஸ்ணன், எதிர்வரும் 28ஆம் திகதி வவுனியாவுக்கு விஜயம் மேற்கொள்ளவுள்ளதாக, ஐக்கிய தேசியக்கட்சியின் முல்லைத்தீவு மாவட்ட அமைப்பாளர் இந்திரன் சஜீந்திரா தெரிவித்துள்ளார்.
வவுனியாவிற்கு விஜயம் மேற்கொள்ளவுள்ள இவர், வவுனியா மாவட்ட பாடசாலைகளில் அமைக்கப்பட்டுள்ள தொழில்நுட்ப ஆய்வு கூடங்களை திறந்து வைக்கவுள்ளதுடன், வவுனியா மாவட்ட கல்வி நிலை தொடர்பிலும் அதிகாரிகளுடன் கலந்துரையாடவுள்ளார்.
இதேவேளை, தேசிய பாடசாலைகளின் பழைய மாணவர்கள் சங்கம் மற்றும் அபிவிருத்தி குழுக்களின் பிரதிநிதிகளையும் சந்திக்கவுள்ளதுடன், வவுனியா முல்லைத்தீவு மாவட்டங்களில் உள்ள பாடசாலைகளின் தேவைகளை கருத்தில் கொண்டு, தெரிவு செய்யப்பட்ட பாடசாலைகளுக்கான நிதி ஒதுக்கீட்டையும் வெளியிடவுள்ளதாகவும் அவர் மேலும் தெரிவித்தார்.
