சூரிய குடும்பத்தின் 8வது கிரகமாக அறியப்பட்டுள்ள நெப்டியூன் சூரியனிலிருந்து மிகத்தொலைவில் இருக்கும், நான்காவது மிகப்பெரிய கோளாகும். இந்த கிரகத்துக்கு மேலும் ஒரு சிறிய துணைக்கோள் இருப்பதை தற்போது விஞ்ஞானிகள் கண்டுபிடித்துள்ளனர்.
நாசாவின் ஹப்பில் விண்வெளி தொலை நோக்கி மூலம் இந்த கோள் கண்டுபிடிக்கப்பட்டுள்ளது. நெப்டியூன் 10க்கும் மேற்பட்ட துணைக்கோள்களைக் கொண்டுள்ளது. தற்போது கண்டுபிடிக்கப்பட்ட இந்த கோள் இவற்றில் மிகச் சிறியதாகும்.
இதற்கு எஸ்/2004 என் 1 என்று பெயரிடப்பட்டுள்ளது. இதன் விட்டம் சுமார் 20 கிலோமீட்டர் என்று கணக்கிடப்பட்டுள்ளது. இது நட்சத்திரங்களுடன் ஒப்பிடும் போது மிக மங்கலான கோள் ஆகும். இதனால் வெறும் கண்களால் இதை காண முடிவதில்லை என்று நாசா விஞ்ஞானிகள் தெரிவித்தனர்.
அமெரிக்க விண்வெளி ஆராய்ச்சியாளர் மார்க் சொவால்டர், நெப்டியூன் ஆராய்சியில் ஈடுபட்டிருந்த போது இந்த புதிய கோளை கண்டுபிடித்தார்.
